"दूर पाऊस कोसळून गेला"

****
"दूर पाऊस कोसळून गेला

दवांना ललाटी तुझ्या आसरा ...!!

काळ्या विवरात विरले मेघ

सुर्य ढळता कुणाचे वेध ?

ऊर आतुन पोखरुन गेला .....

दवांना ललाटी तुझ्या आसरा !!

दूर पाऊस कोसळून गेला !!!

निळ्या अंबराला कळेना कधी

धुंद पवना कळेना ही भाषा ..

सूर शोधून सुचवून गेला !!!

दवांना ललाटी तुझ्या आसरा ...

दूर पाऊस कोसळून गेला ! !

माझ्या पावसाला विचारा तरी

कधी तो बरसेल वेड्याच्या दारी ??

चिर कोरुन ह्रिदयात गेला ..!!

दवांना ललाटी तुझ्या आसरा ...

दूर पाऊस कोसळून गेला !!!"
****