"वेडीच आहेस तू"!! (kavita)

*********************************
"वेडीच आहेस
तुला कसं गं काहीच कळत नाही ....

येथे जाळणारे बरेच आहेत
पण कोणीच स्वतः जळत नाही !!!

ज्याचा घाव न् घाव,
ठेवला आहेस काळजात जपून

त्याचा मात्र तुझ्यासाठी
एकही अश्रू ढळत नाही ...


वेडीच आहेस
तुला कसं गं काहीच ठाऊक नाही ??

हे जगच पारध्यांचे
येथे कोणीच भाऊक नाही !!!!

समजून घ्यावी कोणी
तुझ्या काळजातली कळ ?

तुझ्या सारखी कोणाचीही
वेदना घाऊक नाही !!

वेडीच आहेस
कशी गं त्याला 'विसरत' म्हणून नाही

अजूनही त्याच्या शिवाय
दुसरी 'हसरत' म्हणून नाही ...

एकांतात आसवांशी
सारखं हितगूज करतेस म्हणे !

लोकांसमोर मात्र
अश्रुंचा तोल घसरत म्हणून नाही !!


वेडीच आहेस
अजूनही स्वतःलाच दोष देते .

रेशीम वेळी मनाला
आठवांचा कोष देते !!

साळसूद पणे निघून जाणार्याची
अडचण असेन काही .....

असे समजून
घटके पुरता मनास तोष देते !!!

वेडीच आहेस
आता तरी उघड्या डोळ्यांनी जग बघ ...

आयुष्या वर ओढवून घेतलेले
विरहाचे ढग बघ !!!

तू ही सगळ्यांं सारखी
'Practical' होऊ शकतेस ...

एकदा तरी तुझ्यामधली
आजमावून रग बघ !!!

एकदा तरी तुझ्यामधली
आजमावून रग बघ !!!


Mitrano, mazya kavitechi Nayika ashi ahe.. Niragas, Jagachya riti bhati
na kalanari. Ya kavite waril tumachya comment jarur post kara.

"याद "

"मुक्या मनातील शब्दांना आज जाग आली ...

निमित्य झाले काही अन् तुझी याद आली !!!"

हळूवार भास झाला अन् स्वप्नही तुझे पडले

का माझ्या काळजात तू राहायास आली ???"

Mitrano, 2005 chya Valentine Day nimmitya dainik Sakal ne aayojit kelelya charoli event madhe hi charoli prakashit zaliy. Abhi!

'स्वप्नातली परी'

'स्वप्नातली परी'
*****************

वेदना कोणती तरी होती ....
तू दिलेली दवा बरी होती !!

भेटली ना मने तुझी माझी
भोवती आडवी दरी होती !!

हासतो आजही जरी खोटा ....
कालची आसवे खरी होती !!

नाव घेतेस का कधी माझे ?
तू तशी फार लाजरी होती !!

सोडुनी का उदास माहेरा ?
हाय तू दूर सासरी होती !!

हात मागू नवा कशासाठी ?
जिन्दगानीच आखरी होती !!!

बोललो ना जरी कधी तेंव्हा
तूच 'स्वप्नातली परी' होती !!!


By- Abhijit Nagle.
Mitrano, please pratikriya kalawayala visaru naka.
Mazi hi Gazal tumhi 'Kusumakar' chya ankat dekhil vachu shakata.